Munaı baǵasy AQSh pen Iran arasyndaǵy kelissózdiń ótkizilmeýine baılanysty kúrt ósti
ASTANA. KAZINFORM — Álemdik etalon sanalatyn Brent markaly munaıdyń baǵasy shamamen 2%-ǵa ósip, barreli 109,33 dollarǵa jetti, dep habarlaıdy CNBC.
WT markaly munaıdyń baǵasy da 2,2%-ǵa ósip, 96 dollardan asty.
— Munaı baǵasy AQSh pen Iran arasyndaǵy beıbit kelissózdi qaıta bastaý áreketteri sátsiz aıaqtalǵannan keıin búgin tańerteń kóterilip, energııa tasymaldaýshylaryn Ormýz buǵazy arqyly jetkizýdi tez arada qalpyna keltirý úmitin úzdi. Іlgerileýdiń bolmaýy naryqtyń kún saıyn kúrdelenip otyrǵanyn bildiredi, bul munaı baǵasyn budan joǵary deńgeıde qaıta baǵalaýdy talap etedi, — delingen gollandııalyq ING bankiniń taýar strategııasy jónindegi bólim basshysy Ýorren Pattersonnyń analıtıkalyq jazbahatynda.
London ýaqytymen saǵat 10:05–ke qaraı jalpyeýropalyq Stoxx 600 ındeksiniń aktsııalary sessııanyń basyndaǵy quldyraýdan keıin qalpyna kelip, 0,1%-dan astamǵa saýdalandy, bul rette negizgi bırjalar ósip, sektorlar jan-jaqqa taralǵan kúıinde qaldy.
Azııalyq qor naryqtary ósimmen jabyldy, bul rette keıbir iri qor naryqtary rekordtyq deńgeıge jetti.
Japondyq Nikkei 225 ındeksi saýdany 1,38% ósimmen aıaqtap, sońǵy aıda shamamen 14%-dyq ósimdi jalǵastyrdy.
Ońtústik Koreıanyń Kospi ındeksi sońǵy aıda 20%-dan astam ósip, dúısenbidegi saýdany 2,15%-ǵa ósimmen aıaqtady.
Eske salsaq, 25 sáýirde AQSh prezıdenti Donald Tramp Iranmen kelissózder júrgizý úshin Pákistanǵa josparlanǵan amerıkalyq delegatsııanyń saparyn toqtatqany belgili boldy.
