Munaı álemdik ekonomıka úshin ómirlik mańyzǵa ıe – OPEK bas hatshysy
ASTANA. KAZINFORM — Munaı Qazaqstandy qosa alǵanda álemdegi búkil eldiń ekonomıkasy úshin ómirlik mańyzdy. Bul týraly Kazakhstan Energy Week – 2025 jáne XVI Eýrazııalyq KAZENERGY forýmynda OPEK bas hatshysy Haıtam al-Gaıs aıtty.
— Munaı ótkenimizdeı bolashaǵymyz úshin de ómirlik mańyzǵa ıe. Ony túsiný óte qarapaıym. Munaı men munaı ónimderi múldem joq álemdi oılap kórińizdershi. Onda búkil kólik toqtap, azyq-túlik óndirilmeıdi. Densaýlyq saqtaý qyzmetteri toqyrap, ekonomıkalyq ósimniń nasharlaıtyny sózsiz. Muny oılap kórýdiń ózi múmkin emes. Munaı Qazaqstandy qosa alǵanda álemdegi búkil eldiń ekonomıkasy úshin ómirlik mańyzdy, — dedi OPEK bas hatshysy.
Mártebeli meıman Qazaqstannyń munaı qory álemdegi jalpy resýrstyń shamamen paıyzyn quraıtynyn aıtty.
— Álemde munaı men gazdyń mol qory bar ekenine eshqandaı shúbá joq. Qazaqstan Teńiz ben Qashaǵan syndy ken oryndaryn ıgerý arqyly bolashaqta mańyzdy ról atqarý úshin resýrsqa da, áleýetke de ıe. Elderińiz 30 mlrd barrel munaı róli bar ekenin dáleldep otyr. Bul álemdik jalpy resýrstyń shamamen 2 paıyzyn quraıdy. Gaz resýrstaryńyz da óńirde jaqsy pozıtsııada turǵany asa mańyzdy, — dedi Haıtam al-Gaıs.
Aıta keteıik, Memleket basshysy Qasym-Jomart Toqaev Kazakhstan Energy Week — 2025 jáne XVI Eýrazııalyq KAZENERGY forýmy qatysýshylary men qonaqtaryna arnaıy úndeý joldaǵan edi.