Munaı aktsııalarynyń qaıtalama naryqtaǵy saýdasy bastaldy -Álıhan Smaıylov

ASTANA. QazAqparat – «QazMunaıGaz» aktsııalarynyń baǵaly qaǵazdardyń qaıtalama naryǵyndaǵy saýdasy resmı ashyq dep jarııalandy, dep habarlaıdy QazAqparat tilshisi.

Sharaǵa qatysqan QR Premer-Mınıstri Álıhan Smaıylov «QazMunaıGaz» ІRO-synyń el ekonomıkasyna tıgizer áseri týraly aıtty.

«QazMunaıGazdyń ІRO-sy Qazaqstannyń qor naryǵy úshin iri mámilelerdiń biri bolyp esepteledi. Bul otandyq qarjy naryǵyn damytýǵa, el azamattaryna, sondaı-aq «Samuryq-Qazyna» qory men «QazMunaıGaz» kompanııasyna da oń áserin beredi», - dedi Premer-Mınıstr.

Onyń paıymynsha, mundaı aýqymdy shara halyqtyń ınvestıtsııa mádenıeti men saýattylyǵyn arttyrady.

«QazMunaıGaz» budan bylaı Qazaqstannyń bırjalyq ınvestıtsııanyń zákirlik emıtenti bolatynyn eskere otyryp, biz halyqaralyq ınvestorlardyń tarapynan da aıtarlyqtaı qyzyǵýshylyq tanytýdy kútemiz. Ári ashyq bolýyn arttyrady, halyqtyń ınvestıtsııa mádenıeti men saýattylyǵy artyp keledi», - dedi Úkimet basshysy.

Buǵan deıin «QazMunaıGaz» ІRO-synan túsetin aqsha Ulttyq qorǵa aýdarylatyny habarlanǵan bolatyn.

Foto: primeminister.kz