Munaradan mysyqty qutqarǵan astanalyq eldi súısindirdi
ASTANA. QazAqparat – Astana qalasynda meshit qyzmetkeri munaranyń ústine shyǵyp, keri túse almaı turǵan mysyqty qutqardy, dep habarlaıdy QazAqparat tilshisi.
Astanalyq er adamnyń qaıyrymdy isi týraly vıdeo áleýmettik jelide jarııalandy.
«Munaranyń shekteýine shyǵyp túse almaı turǵan mysyq qutqaryldy. Oqyrmandardyń aıtýynsha, mysyqty meshit qyzmetkeri alyp tústi», - dep jazylǵan beınerolık astynda.
Sondaı-aq, jelidegi jarııalanym astynda oqyrmandar er adamnyń áreketine razy bolyp, jyly lebizderin bildirgen.
«Alla razy bolsyn!», «Osyndaı qaıyrymdy adamdardy syılaımyn», «Qutqarýshyǵa myń alǵys, jaraısyń!», «Barlyq adam osyndaı qaıyrymdy bolsa», «Negatıvterdi jarııalaı bermeı osy sekildi qaıyrymdy ister týraly jıi jazý kerek», «Jaraısyń», «Janýarlarǵa meıirimmen qarap, kómektesý kerek», «Alla jarylqasyn, raqmet saǵan qutqarýshy jan», «Mine azamat» degen pikirler qaldyrylǵan.
