Muń-qaıǵy jastarǵa jaraspaıdy: Prezıdent «udaıy japa shekken ult» keıpinen arylýǵa shaqyrdy
ASTANA. KAZINFORM — Memleket basshysy Qasym-Jomart Toqaev jastardyń el tarıhyn durys tanyp, ótkenge baılanyp qalmaı, bolashaqqa úmitpen qaraýy kerektigin aıtty. Prezıdent qoǵamdy «udaıy japa shekken ult» beınesinen arylyp, óz kúshine senetin, optımıst ári myqty ult bolýǵa shaqyrdy.
Prezıdent bul jóninde únemi aıtyp kele jatqanyn eske saldy.
— Bizdiń keıbir qalamgerlerimiz «muń» degen sózdi jaqsy kóredi: «júregimde muń, kózimde muń»! Muń-qaıǵy jastyq shaqqa, jastarǵa jaraspaıdy, — dedi Qasym-Jomart Toqaev elordada respýblıkalyq Tamyz konferentsııasynda.
Memleket basshysynyń aıtýynsha, óskeleń urpaq óz halqynyń tarıhyn durys túsine otyryp, bolashaqqa úmitpen jáne senimmen qaraýǵa tıis.
— Elimizdiń jastary optımıst bolyp, eńsere almaıtyn qıyndyq joq ekenin bilýi qajet. Biz óz kúsh-qýatymyzǵa senetin, myqty ultqa aınalýymyz kerek. Muń, qaıǵy, kúızelis — jastarymyzǵa jat nárse bolýǵa tıis, — dedi Prezıdent.
Buǵan deıin Qasym-Jomart Toqaev Prezıdent «Órleý» ortalyǵyn synǵa alyp, pedagogterdi attestatsııalaý talaptaryn jeńildetýdi tapsyrǵan edi.
Prezıdent muǵalimderdi qaǵazbastylyqtan, attestatsııadan jáne paıdasyz tekseristerden bosatýdy tapsyrdy.
Sondaı-aq Prezıdent áleýmettik jelide bilim berý salasyna qatysty negizsiz daý-damaı men aıqaı-shýdyń kóbeıgenin synǵa aldy.
