Mýn Chje In Koreıa Respýblıkasynyń jańa prezıdenti boldy
ASTANA. QazAqparat - Koreıa Respýblıkasyndaǵy prezıdent saılaýynda «Tobýro» demokratııalyq partııasy atynan saılaýǵa túsken kandıdat Mýn Chje In jeńiske jetti. Buǵan Ulttyq saılaý komıssııasynyń málimetteri dálel bolyp otyr, dep habarlaıdy TASS.
«Mýn Chje In saılaýshylardyń 41,1 paıyz daýysyn jınady. Osylaısha ol Koreıa Respýblıkasynyń jańa prezıdenti bolyp otyr. Oǵan 13,4 mln adam daýys berdi»,-dep habarlaıdy osy eldiń saılaý komıssııasy.
Saılaýshylardyń eń kóp daýysyn alǵan prezıdenttikke kandıdat ekinshi azamat Hon Chjýn Phe bolyp otyr. Ony saılaýshylardyń 21,03 prtsenti (7,85 mln adam) qoldady. Saılaý kezekten tys ótti. Naýryz aıynda Konstıtýtsııalyq sot 2016 jyldyń jeltoqsanynda Koreıa Respýblıkasynyń burynǵy prezıdenti Pak Kyn Hege jarııalanǵan ımpıchmentti rastap, ony bılikten alastatty.
Osyǵan baılanysty Memleket basshysynyń saılaýy belgilengen merzimnen 7 aı buryn ótkizilip otyr. Jańa saılanǵan prezıdentke barlyq ókilettikter ótpeli kezeńsiz-aq birden beriledi.
