Múmkindigi shekteýli stýdentterge arnalǵan joǵary bilim berý ortalyǵy qurylmaq
ASTANA. KAZINFORM – Múmkindigi shekteýli stýdentterge arnalǵan mamandandyrylǵan joǵary bilim berý ortalyǵyn qurý máselesi pysyqtalyp jatyr. Bul týraly Májilis depýtattarynyń saýalyna Premer-Mınıstrdiń orynbasary Ermek Kósherbaevtyń jaýabynda aıtylǵan.
- 2025 jyly múmkindigi shekteýli stýdentterge, onyń ishinde estý qabileti buzylǵan adamdarǵa, arnalǵan Abaı atyndaǵy Qazaq ulttyq pedagogıkalyq ýnıversıteti men S. Amanjolov atyndaǵy Shyǵys Qazaqstan ýnıversıtetimen konsortsıým quryldy. Qazirgi kezde osy konsortsıým negizinde mamandandyrylǵan joǵary bilim berý ortalyǵyn qurý pysyqtalýda. Óz kezeginde, atalǵan ortalyq múmkindigi shekteýli stýdentterge jaǵdaı jasaý úshin barlyq joǵary oqý oryndarynyń ózara is-qımylyn qamtamasyz etetin bolady, - dedi Úkimet basshysynyń orynbasary.
Onyń dereginshe, qostanaılyq IT-mamandar elimizde birinshi bolyp estý qabileti buzylǵan adamdarǵa arnalǵan qazaq ymdaý tiliniń elektrondyq sózdigin ázirlegen.
- Sonymen qatar, Áleýmettik kodekske (163 baby) sáıkes múgedektigi bar adamdarǵa abılıtatsııalaýdyń jáne ońaltýdyń jeke baǵdarlamasyna oraı ymdaý tili mamanynyń qyzmetteri usynylady. Ymdaý tili mamanynyń qyzmetterin usyný tártibi Múgedektigi bar adamdy abılıtatsııalaýdyń jáne ońaltýdyń jeke baǵdarlamasyna sáıkes estý kemistigi bar múgedek adamdar úshin ymdaý tili mamanynyń qyzmetterin usyný qaǵıdalarymen retteledi. Múddeli memlekettik organdar barlyq azamattar úshin teń múmkindikter jasaý boıynsha júıeli túrde jumystardy jalǵastyrýda, - dedi Ermek Kósherbaev.
Qazaq ym-ıshara tili men daktıl álipbıin qabyldaý máselesi pysyqtalatyndyǵyn jazǵan edik.