Qyzylorda oblysynda múmkindigi shekteýli balany azaptaǵan jasóspirimge qatysty is qozǵaldy
QYZYLORDA. KAZINFORM – Telegram áleýmettik jelisinde Qyzylorda oblysynda jasóspirimniń múmkindigi shekteýli balany azaptap, aıaǵyn kúıdirgeni týraly jazba jarııalandy.
Qoǵamdyq rezonans týdyrǵan jazbaǵa baılanysty jaǵdaıdy Qyzylorda oblystyq polıtsııa departamenti túsindirdi.
- Buzaqylyq deregi boıynsha polıtsııa tarapynan qylmystyq is qozǵaldy. Kúdikti – kámeletke tolmaǵan bala ustalyp, ýaqytsha ustaý ızolıatoryna qamaýǵa alyndy. Qazirgi ýaqytta oqıǵanyń mán-jaıyn anyqtaý boıynsha tergeý amaldary júrgizilip jatyr, - dedi departament bastyǵy Serik Ergeshov.
Vedomstvo basshysy qylmystyq istiń tergelý barysyn erekshe baqylaýǵa alǵanyn málimdedi.
Buǵan deıin biz Qyzylorda oblysynda alaıaqtyqqa qatysy bar kúdiktiler ustalǵanyn habarlaǵan edik.
