Múmkindigi shekteýli balalarǵa tólenetin járdemaqy mólsheri artty

ASTANA. KAZINFORM — 2026 jylǵy 1 qańtardan bastap múmkindigi shekteýli balalarǵa tólenetin járdemaqy mólsheri artty. Bul týraly Halyqty áleýmettik qorǵaý salasyndaǵy retteý jáne baqylaý komıtetiniń Astana qalasy boıynsha departament basshysy Asqar Aımaǵanbetov habarlady.

— Múmkindigi shekteýli balany baǵyp otyrǵan ata-anaǵa tólenetin járdemaqy 81 871 teńge boldy. Al balalarǵa tólem mólsheri jasyna jáne múgedektik tobyna baılanysty taǵaıyndaldy: 7 jasqa deıingi balalarǵa – 81 871 teńge, 7–18 jas aralyǵyndaǵy І toptaǵy balalarǵa – 111 873 teńge, ІІ topqa – 93 058 teńge, ІІІ topqa – 81 871 teńge, — dedi Asqar Aımaǵanbetov Astana qalasynyń kommýnıkatsııalar qyzmetinde ótken brıfıngte.

Ol ata-analarǵa qosymsha tólem de beriletinin atap ótti.

Mysaly, 7 jasqa deıingi balasy bar otbasy aı saıyn jalpy 163 742 teńge aldy, onyń ishinde balanyń ózine jáne ony baǵyp otyrǵan ata-anaǵa tólem kiredi. І toptaǵy 7–18 jas aralyǵyndaǵy balasy bar otbasynyń tólemi 193 742 teńgege jetti, al ІІ toptaǵy balalar úshin aı saıynǵy tólem 174 929 teńgeni qurady.

— Bul ózgerister múmkindigi shekteýli balalardy tárbıelep otyrǵan otbasylardyń áleýmettik jaǵdaıyn jaqsartýǵa baǵyttalǵan, — dedi departament basshysy.

Aıta keteıik, buǵan deıin múmkindigi shekteýli adamdardyń Áleýmettik qyzmetter portaly arqyly 111 myńnan astam qyzmet alǵanyn jazǵan edik.