Múmkindigi shekteýli adamdy jumyspen qamtyǵandarǵa salyq qalaı salynady

ASTANA. KAZINFORM - Premer-mınıstrdiń orynbasary – ulttyq ekonomıka mınıstri Serik Jumanǵarınniń tóraǵalyǵymen ótken Salyq kodeksin engizý jónindegi Jobalyq keńseniń tórtinshi otyrysynda múgedektigi bar adamdardy jumysqa ornalastyrǵan uıymdardyń ótinishi qaraldy.

Kóterilgen másele – jańa Salyq kodeksindegi ózgeristerge baılanysty osyndaı qyzmetkerlerge salyq salý tártibi.

Parlamenttegi salyq reformasyn talqylaý barysynda múgedektigi bar adamdardy jumysqa ornalastyratyn barlyq uıymdardaǵy teń jaǵdaıdy qamtamasyz etý tásili ózgertildi. Atap aıtqanda, depýtattardyń usynysy boıynsha, korporatıvtik tabys salyǵy boıynsha salyq jeńildigin qoldaný maqsatynda 2026 jyldan bastap múgedektigi bar qyzmetkerlerge eńbekaqy tóleý qorynyń 51% biryńǵaı úlesi qoldanylady. ıAǵnı, estý, sóıleý, kórý qabileti jaǵynan múgedektigi bar adamdar jumys isteıtin mamandandyrylǵan uıymdarda buryn qoldanylǵan 35%-dyq úles normasy ózgerdi. Qabyldanǵan norma salyq tóleýshilerge ishinara tańdaý tásilin joıyp, jumys berýshiniń uıymdyq-quqyqtyq nysanǵa qaramastan, múgedek adamdy jumyspen qamtý múmkindigin arttyrady. Bul rette múgedektigi bar qyzmetkerlerdiń ózderi úshin jeke tabys salyǵy boıynsha jeńildik tolyqtaı saqtalady. Normanyń negizgi maqsaty – jumys berýshini jumys ornyn qurýǵa jáne saqtaýǵa yntalandyrý.

Sonymen qatar, alǵash ret Salyq kodeksine múgedektik tobyna baılanysty JTS boıynsha áleýmettik salyq shegerimin saralaý normasy engizildi. Eger buryn jumys isteıtin múgedektigi bar adam úshin shegerimniń jalpy shegi 882 AEK bolsa, jańa túzetýde bul shama úshinshi toptaǵy múgedektik úshin saqtalǵan. Birinshi jáne ekinshi toptaǵy múgedektigi bar qyzmetker úshin shegerim mólsheri 5000 AEK-ke deıin ulǵaıtyldy.

Sonymen birge memlekettik organdarǵa osy normany qoldaný boıynsha ótinishter túse bastaǵan. Atap aıtqanda, eger kúntizbelik jyl ishinde qyzmetkerdiń densaýlyq jaǵdaıy nasharlasa, úshinshi toptaǵy múgedektik birinshi nemese ekinshi bolyp ózgerse nemese múgedektik toby tómendegen jaǵdaıda bir jylǵa JTS esepteý tártibi máselesi týyndaıdy. Salyq kodeksiniń 404-babynyń 2-tarmaǵyna sáıkes, áleýmettik salyq shegerimi úshin negizdeme týyndaǵan nemese buryn bolǵan kúntizbelik jyl qoldanylady.

Osy máseleniń áleýmettik mańyzyn eskere otyryp, Jobalaý keńsesiniń otyrysynda múgedektik toby birinshi nemese ekinshiden úshinshige nemese kerisinshe ózgergen jaǵdaıda, búkil kúntizbelik jyl úshin 5000 AEK mólsherinde áleýmettik salyq shegerimin qoldaný týraly sheshim qabyldandy.

Qabyldanǵan sheshim jumys isteıtin múgedektigi bar adamdardyń kirisin qosymsha qorǵaýǵa, salyq júktemesin azaıtýǵa jáne ádiletti tásildi qoldanýǵa baǵyttalǵan.

Eń jıi kóteriletin máseleniń biri, salyq tóleýshiniń derbes shotynda artyq tólem bolǵan jaǵdaıda, QQS tólegennen keıin, rezıdentke elektrondyq shot-faktýra jazyp berý rásimi men merzimi týraly. Bul másele boıynsha Memlekettik kirister komıteti jaqyn arada óziniń aqparattyq resýrsynda resmı túsinikteme berýdi josparlap otyr.

Budan basqa, Jobalyq keńseniń otyrysynda «Atameken» ulttyq kásipkerler palatasynyń bastamasymen kvazımemlekettik kompanııany satyp alý kezinde salyq tóleýshiniń shyǵysyn esepke alý máselesi kóterildi. Ol shyǵysy korporatıvtik tabys salyǵy boıynsha shegerýge jatpaıtyn ońaılatylǵan deklaratsııa negizinde arnaıy salyq rejımin qoldanatyn sýbektilerden taýarlar, jumystar men kórsetiletin qyzmetti satyp alýǵa qatysty. Bul másele qosymsha pysyqtap, zańǵa táýeldi aktilerge ózgeris engizýdi, sondaı-aq yqtımal jetkizýshige qoıylatyn biliktilik talabyn túzetýdi qajet etedi.

Ótken aptada memlekettik organdar men Memlekettik kirister komıtetine call-ortalyq jáne Salykbot Telegram-arnasy arqyly 14 myńǵa jýyq ótinish kelip túsken. Bul onyń aldyndaǵy aptaǵa qaraǵanda 2,1 myńǵa az.

Osyǵan deıin Salyq kodeksine engizilýi múmkin ózgerister týraly jazdyq.