Múmkindikteri shekteýli jandar men qarttardyń saılaý quqyqtaryn saqtaý máselesi talqylandy - QR OSK
Semınar jumysyna Astanadaǵy EQYU baǵdarlamalyq ofısiniń, EQYU-nyń demokratııalyq ınstıtýttar jáne adam quqyqtary jónindegi bıýrosynyń, Qazaqstan Respýblıkasynyń ortalyq memlekettik organdarynyń, mınıstrlikteriniń jáne vedomstvolarynyń, sondaı-aq úkimettik emes uıymdarynyń ókilderi qatysty.
Semınarǵa qatysýshylarǵa arnap Qazaqstan Respýblıkasy Ortalyq saılaý komıssııasynyń Hatshysy B. Meldeshov jáne Astanadaǵy EQYU baǵdarlamalyq ofısiniń basshysy Elshi Derd Sabo myrza quttyqtaý sóz sóıledi.
«Búgin bizdiń semınar-trenıngimiz EQYU-ǵa qatysýshy elderde múmkindikteri shekteýli jáne qart adamdardyń elektorattyq quqyqtarynyń saqtalýyn baıqaýǵa arnalǵan. EQYU-nyń adamı ólshemi jónindegi Máskeý keńesiniń 1991 jylǵy 3 qazandaǵy qujatynyń 41-paragrafynda múgedektigi bar adamdardyń adamı quqyqtaryn qorǵaýdy qamtamasyz etýge, olardyń qoǵam ómirine tolyq qatysýyna, olarǵa qatysy bar salalarda sheshimder qabyldaýǵa múmkindik berýge, olardyń qoǵamdyq ǵımarattarǵa qol jetkizýi úshin qolaıly jaǵdaılar jasaý mindetteri bekitilgen. Búgin biz osy erejeni iske asyrýdyń tetikteri, múgedekter men qart adamdardyń saılaý quqyqtarynyń saqtalýyn baıqaýdy uıymdastyrýdyń ádisteri men nysandary týraly aıtamyz» - dep atap ótti B. Meldeshov is-sharaǵa qatysýshylarǵa arnalǵan sózinde.
QR OSK múshesi M. Sársembaev EQYU-ǵa qatysýshy memleketterdegi múgedekterdiń elektorattyq quqyqtary jónindegi zańdardyń salystyrmaly-quqyqtyq taldaýynyń nátıjelerin usyndy.
Sondaı-aq semınar sheńberinde EQYU-nyń demokratııalyq ınstıtýttar jáne adam quqyqtary jónindegi bıýrosynyń keńesshisi Radıvoe Grýıch myrzanyń «EQYU elderinde múmkindikteri shekteýli jáne qart adamdardyń elektorattyq quqyqtarynyń iske asyrylý jaǵdaıyn baıqaýdyń erekshelikteri» taqyrybyna tusaýkeseri boldy.
Moldova Respýblıkasyndaǵy múgedekter men qarttardyń elektorattyq quqyqtarynyń máseleleri boıynsha QR OSK apparaty Halyqaralyq qatynastar bóliminiń meńgerýshisi A. Arǵynov sóz sóıledi.
«Ardager» qoǵamdyq birlestiginiń ókili D. Jigitova saılaýǵa qart adamdardyń qatysýyn qamtamasyz etý máseleleri jóninde qatysýshylarmen óz kózqarasyn bólisti.
Sonymen qatar semınar jumysy barysynda oǵan qatysýshylar halyqaralyq uıymdar Mıssııalarynyń quramynda saılaýdy halyqaralyq baıqaýdyń erekshelikterin talqylady, Qazaqstan ókilderiniń 2016 jyly EQYU/DIAQB Mıssııasynyń quramynda saılaýdy baıqaýǵa qatysýy tájirıbesimen bólisti.
