Múmkindigi shekteýli jandarmen jumys isteıtin mamandardyń biliktiligin kóterý kerek - J.Omarbekova
ASTANA. QazAqparat - Múmkindigi shekteýli adamdarmen jumys isteıtin mamandardyń biliktiligin arttyratyn biryńǵaı ortalyq qurylýy kerek. Búgin Májilistiń áleýmettik-mádenı damý komıtetiniń keńeıtilgen otyrysynda «Múgedekterdiń qazaqstandyq konfederatsııasy» respýblıkalyq qoǵamdyq birlestiginiń prezıdenti Janat Omarbekova osyndaı másele kóterdi.
Birlestik basshysynyń aıtýynsha, qazirgi tańda múmkindigi shekteýli azamattarǵa qatysty problema máseleniń mánin tereń túsinbeýden, sondaı-aq osy saladaǵy mamandarda tıisti bilimniń joqtyǵynda bolyp otyr.
«Sondyqtan da, atalǵan máseleni sheshý úshin kommertsııalyq emes uıym túrindegi sapany baqylaý jáne biliktilikti arttyrý jónindegi táýelsiz saraptamanyń respýblıkalyq ortalyǵyn qurý qajet», - deıdi J. Omarbekova. Onyń aıtýynsha, arnaıy áleýmettik qyzmetkerler tarapynan kásibılikke saı emes áreketter de oryn alyp jatady. Bul ásirese, múmkindigi shekteýli adamdar úshin qandaı da bir áleýmettik nysannyń qoljetimdiligin baǵalaýda jıi kezdesedi. «Bizdiń konfederatsııaǵa kelip, arbaǵa tańylǵan bir adamdy áketedi, sosyn ony temirjol vokzalyna aparyp, ary beri kedergilerden ótkizip: «Bylaı durys pa? Mynaý qalaı?» dep synap kóredi. Máseleni osylaı sheshýge bola ma eken? Bul durys emes!», - deıdi J. Omarbekova.
