Múmkindigi shekteýli jandardyń jaǵdaıyn jaqsartý úshin 6 kodeks pen 24 zańǵa ózgerister engiziledi - T. Dúısenova
ALMATY. QazAqparat - Múmkindigi shekteýli jandardyń jaǵdaıyn jaqsartý úshin QR zańnamasynyń 6 kodeksi men 24 zań jobasyna ózgerister engizilmek.
QR Eńbek jáne halyqty áleýmettik qorǵaý mınıstrligi atalǵan ózgeristerdi tamyzdyń 15-inde Parlament qaraýyna usynbaqshy. Bul týraly búgin Almatyda ótken úılestirý keńesiniń otyrysynda QR Eńbek jáne halyqty áleýmettik qorǵaý mınıstri Tamara Dúısenova málim etti.
«Múmkindigi shekteýli adamdardyń jaǵdaıyn jaqsartý úshin 6 kodeks pen 24 zańǵa ózgeris engizýdi josparlap otyrmyz. Bul múgedek jandardyń qoǵamdyq ınfrastrýktýraǵa qoljetimdiligin arttyrýǵa, jumyspen qamtý máselesi men olarǵa kórsetiletin medıtsınalyq jáne áleýmettik kómekti jaqsartýǵa baǵyttalǵan», - dedi T.Dúısenova.
Eńbek mınıstri zańnyń erekshe solqyldaq tustaryn da atap ótti.
«Bizde jumysqa tartý boıynsha kvota qarastyrylǵan. Ol barlyq salalarda jáne jumysshylardyń sanyna qaramastan úsh paıyz retinde belgilengen. Osynyń bárine ózgeris engizý qajettigi týyp otyr», - dedi ol.
