Múmkindigi shekteýli jandardyń 68 paıyzy eńbekke qabiletti jasta - Úkimet otyrysy
Bul týraly búgin Úkimet otyrysynda 2012-2018 jyldarǵa arnalǵan múgedekterdiń ómir sapasyn jaqsartý jáne quqyqtaryn qamtamasyz etý boıynsha is-sharalar josparynyń birinshi kezeńiniń júzege asyrylýy týraly baıandama jasaǵan QR Eńbek jáne halyqty áleýmettik qorǵaý mınıstri Serik Ábdenov aıtty.
«Múgedekterdi jumyspen qamtýda járdemdesýdiń tıimdi sharasy «Jumyspen qamtý - 2020» baǵdarlamasy bolyp sanalady. Onyń aıasynda 1049 adam jumysqa tartyldy»,-dedi ol.
Mınıstrdiń atap ótýinshe, memlekettik satyp alýlar júıesindegi qoldanystaǵy preferentsııa múgedekter qurǵan qoǵamdyq birlestikter óndirisiniń kólemin tómendetpeýge, jumys oryndaryn saqtaýǵa jáne múgedektigi boıynsha alatyn áleýmettik járdemaqysyna qosymsha tabys tabýǵa múmkindik beredi.
Sońǵy jyldary jumyspen qamtylǵan múgedekterdiń sany 50 myń adamdy nemese eńbekke qabiletti jastaǵylardyń 12 paıyzyn quraıdy.