Múmkindigi shekteýli jandar arasyndaǵy «Bárimiz birdeımiz - kemsitýdi bilmeımiz» saıysynyń jeńimpazdaryn 13 tamyz kúni Astanada marapattaıdy
ASTANA. 12 tamyz. QazAqparat - Múmkindigi shekteýli jandar arasyndaǵy «Bárimiz birdeımiz - kemsitýdi bilmeımiz» respýblıkalyq baıqaýynyń jeńimpazdaryn saltanatty marapattaýy 13 tamyz kúni ótedi, dep habarlady Astana qalasynyń jumyspen qamtý jáne áleýmettik baǵdarlamalar basqarmasynyń baspasóz qyzmetinen.
«Astanada múmkindigi shekteýli jandar arasyndaǵy respýblıkalyq «Bárimiz birdeımiz - kemsitýdi bilmeımiz» baıqaýynyń aıasynda 2013 jyldyń 2-7 tamyz aralyǵynda irikteý kezeńi ótti. Ár atalym boıynsha qazylar baıqaýdyń jeńimpazdaryn anyqtady» dep vedomstvonyń baspasóz habarlamasynda jazylǵan.
Saltanatty marapattaý rásimi 13 tamyz kúni Oqýshylar saraıynda (B. Momyshuly dańǵyly, 5) 15-00-de ótedi. Marapattaý 8 atalym boıynsha: «Úzdik áleýmettik joba», «Eń úzdik mamandyq ıesi», «Úzdik bı», «Úzdik oryndaýshy», «Eń tatý otbasy», «Úzdik jasampaz», «Úzdik sportshy» jáne «Jeńiske jiger tanytqany úshin» dıplomdar men baǵaly syılyqtarǵa ıe bolady.
