Múmkindigi shekteýli jandar áleýmettik tólem alýǵa ótinishti onlaın bere alady
Endi múmkindigi shekteýli jandarǵa áleýmettik tólem alýǵa ótinish berý úshin kóptegen anyqtamalardy jınaýdyń qajeti bolmaıdy.
Jańa qyzmettiń yńǵaılylyǵy men artyqshylyǵy - qyzmetti onlaın alǵan kezde ótinish berýshi týraly barlyq derekter memlekettik organdardyń derekqorynan avtomatty túrde tartylady. Derekterdi durys engizgen jaǵdaıda ótinish berýshini rastaıtyn aqparat ekranda kórsetiledi.
Buǵan deıin osyndaı qyzmet tek HQKO-larda jáne medıtsınalyq-áleýmettik saraptama bólimshelerinde qaǵaz túrinde kórsetilgen, bul protsess kóp ýaqyt alyp, járdemaqylardy resimdeý kezinde qolaısyzdyqtar týǵyzdy.
«UAT» AQ komandasy múmkindigi shekteýli jandar úshin qajetti jáne suranysqa ıe memlekettik qyzmetterdi tsıfrlandyrý boıynsha jumysty jalǵastyrýda. Buryn eńbekke jaramsyzdyq boıynsha tólemderdi alý úshin anyqtamalardy qaǵaz túrinde usyný kerek bolatyn, qazir qyzmetti alý protsesi jeńildetildi, paıdalanýshyǵa óz derekteriniń durystyǵyn tekserip, qyzmetke qol qoıý jetkilikti. Barlyq qajetti aqparat memlekettik organdardyń derekqorynan avtomatty túrde tartylady»,- dep atap ótti «Ulttyq aqparattyq tehnologııalar» AQ Basqarma tóraǵasy Rostısalav Konıashkın.
«Eńbekke qabilettiliginen aıyrylý jaǵdaıyna áleýmettik tólem taǵaıyndaý» jańa qyzmetin paıdalaný úshin eGov.kz portaly arqyly paıdalanýshylar:
- eGov.kz portalynda avtorızatsııadan ótý kerek;
- basty bette «Azamattarǵa» - «Áleýmettik qamtamasyz etý» - «Múgedek adamdardy qoldaý» ótý kerek;
- «Eńbekke qabilettiliginen aıyrylý jaǵdaıyna áleýmettik tólem taǵaıyndaý» qyzmetin tańdaıdy;
- onlaın qyzmetke tapsyrys beredi;
- ETsQ kómegimen qyzmetke qol qoıyp, qyzmetti onlaın alady.
Qyzmet 8 jumys kúni ishinde júzege asady.
Tolyq beıne nusqaýlyqqa silteme: https://www.youtube.com/watch?v=a4TBArmoBWs
Sonymen qatar, dál osy qyzmet eGov mobile mobıldi qosymshasynda «Jeńildikter, járdemaqylar jáne zeınetaqylar» bóliminde qoljetimdi. Qyzmettiń nátıjesi eGov Mobile qosymshasynyń habarlamalar bóliminde usynylady.
Jańa qyzmet QR TsDIAÓM Memlekettik kórsetiletin qyzmetter komıtetiniń, «Ulttyq aqparattyq tehnologııalar» AQ jáne QR Eńbek jáne halyqty áleýmettik qorǵaý mınıstrliginiń birlesken jumysynyń arqasynda júzege asty.
