Múmkindigi shekteýli elordalyq shákirtter arnaıy Olımpıadalyq oıyndarǵa qatysady
ASTANA. 29. qańtar. QazAqparat - Astana qalasynyń «Balalar psıhonevrologııalyq medıtsınalyq áleýmettik mekemesiniń» tárbıelenýshileri Nadejda Skýrtýl men Arman Qulsharınov Ońtústik Koreıada ótetin Dúnıejúzilik qysqy arnaıy Olımpıadalyq oıyndarda Qazaqstannyń namysyn qorǵaıtyn bolady.
Bul múmkindigi shekteýli balalar men eresekter úshin jarystyń eń úlken baǵdarlamasy bolyp otyr, - dep habarlaıdy astana.kz saıty qalalyq Jumyspen qamtý jáne áleýmettik baǵdarlamalar basqarmasyn silteme jasap.
«Jarys 25 qańtar men 5 aqpan aralyǵynda Ońtústik Koreıanyń Pengchang qalasynda ótedi. Elimizdiń namysyn 7 komanda qorǵaıdy. Qazaqstannyń qurama komandasy sporttyń 6 túri boıynsha qatysady. Elordalyq sportshylar óz ónerlerin mánerlep syrǵanaýdan kórsetetin bolady, - delingen habarlamada.
Jasóspirim mánerlep syrǵanaýshylardy «Alaý» muz aıdynynda bapkerler K.K Imanálınova men M.K.Qaldybaev jattyqtyrýda.
Medıtsınalyq áleýmettik mekeme dırektorynyń orynbasary Quralaı Qojamqulovanyń aıtýynsha, eki balanyń da «aqyl-esi kem damýynyń jeńil túri» dıagnozy bar.
Arnaıy Olımpıadalyq Oıyndary álemdik is-sharasy ulttyq, násildik, saıası, dinı jáne basqa da aıyrmashylyqtardy joıý úshin birlikti nasıhattaýdy maqsat tutady. Oǵan 105 memleketten aqyl-esi múmkindigi shekteýli 3 300 sportshy qatysady.
