Múmkindigi shekteýli balalarǵa úsh tilde jazylǵan ertegiler jınaǵy taratylady
ASTANA. QazAqparat - «Astana» radıosy 12 qyrkúıek kúni saǵat 10.00-de elordadaǵy «Altyn besik» mamandandyrylǵan balalar baqshasynyń tárbıelenýshilerine arnap «Otbasy kúni» qaıyrymdylyq aktsııasyn uıymdastyrady, dep habarlaıdy «Qazaqstan» Respýblıkalyq teleradıokorporatsııasynyń baspasóz hatshysy.
Aktsııa barysynda «Respýblıkalyq oqýshylar saraıynyń» jas ónerpazdarynyń qatysýymen merekelik kontsert uıymdastyrylyp, búldirshinderge arnaıy syılyqtar tabystalady.
Buǵan deıin «Qazaqstan» respýblıkalyq teleradıokorporatsııasynyń quramyna kiretin «Astana» radıosy 15 jyldyq mereıtoıyna oraı, múmkindigi shekteýli balalarǵa arnap «Ertegi tyńdap, álemdi tany» atty qaıyrymdylyq sharasyn uıymdastyrǵan bolatyn. Onda janarynan aırylǵan balalar úshin arnaıy 3 tilde oqylǵan ertegiler jınaǵy CD-dıskige basylyp, 1,5 myń tırajben elimizdegi mamandandyrylǵan 22 mekemeniń tárbıelenýshilerine úlestirildi. Osy dıskiler qaıyrymdylyq sharasy barysynda «Altyn besik» mamandandyrylǵan balalar baqshasynyń tárbıelenýshilerine de beriledi.
