Múmkindigi shekteýli balalarǵa beriletin járdemaqy somasy artady - Serik Shápkenov

NUR-SULTAN. QazAqparat – 7 jastan 16 jasqa deıingi balalardy múgedektik toptary boıynsha bólý kózdeledi. Bul týraly Parlament Májilisiniń jalpy otyrysynda azamattardyń jekelegen sanattaryn áleýmettik qorǵaý máseleleri boıynsha zań jobasyn talqylaý kezinde QR Eńbek jáne halyqty áleýmettik qorǵaý mınıstri Serik Shápkenov málim etti, dep habarlaıdy QazAqparat tilshisi.

«Bala densaýlyǵynyń buzylý dárejesin jáne tynys-tirshilik áreketiniń shektelýin eskere otyryp, zań jobasynda 7 jastan 16 jasqa deıingi balalardy múgedektik toptary boıynsha bólý kózdeledi. Bul shara balalar aýrýynyń dárejesine qaraı ońaltý is-sharalary men áleýmettik kómekti, onyń ishinde járdemaqylar mólsheri bóliginde saralaýǵa múmkindik beredi. Bul rette múgedektigi bar balalardyń barlyq toptary úshin járdemaqy mólsheri 16,7 paıyzdan 37 paıyzǵa deıin ulǵaıtylady. Bul shara 30 myńnan astam múmkindigi shekteýli balaǵa qatysty bolady», - dedi mınıstr.

Budan buryn habarlanǵandaı, Qujatta múgedektigi bar balany tárbıelep otyrǵan otbasylarǵa bala kámelettik jasqa tolǵannan keıin de turǵyn úı kezeginde turý quqyǵyn saqtaý kózdeledi.

I toptaǵy múgedektigi bar adamdarǵa kútim kórsetýshilerge jańa járdemaqy túri engiziledi.