Múmkindigi shekteýli azamattarǵa beriletin bilim granttarynyń sany artýy múmkin

NUR-SULTAN. QazAqparat – Múmkindigi shekteýli adamdardyń sapaly joǵarǵy bilim alýy úshin arnaıy kontseptsııa ázirlenedi. Bul týraly Ǵylym jáne joǵary bilim mınıstri Saıasat Nurbek Facebook paraqshasynda jazdy, dep habarlaıdy QazAqparat tilshisi.

«Múmkindigi shekteýli jandardyń sapaly joǵarǵy bilim alý kontseptsııasynyń jobasyn ázirleýdi tapsyrdym.

Seıfýllın atyndaǵy KazATÝ ýnıversıtetiniń qaýymdastyrylǵan professory Tańsáýle Serikovpen kezdesý barysynda memleket tarapynan múmkindigi shekteýli jandarǵa joǵarǵy oqý oryndarynda bakalavrıatqa bólinetin jeke bilim granttarynyń mólsherin 1 paıyzdan ulǵaıtýdy qarastyrý máselesin talqyladyq. Sonymen qatar magıstratýra jáne doktorantýraǵa múmkindigi shekteýli jandar úshin jeke memlekettik bilim granttaryn bólý jáne JOO-nyń ǵımarattaryn múgedektigi bar adamdar úshin jabdyqtaý týraly talqyladyq», - dep jazdy mınıstr.

Eske sala keteıik, keshe áleýmettik osal topqa jatatyn elordalyq túlekterdiń JOO-larda bilim alý aqysyn ákimdik óteıtinin habarlap edik.