Múmkindigi shekteýli adamdarǵa kedergisiz orta jasaýdyń biryńǵaı tásili kerek - vıtse-mınıstr
«Osy ýaqytqa deıin sizdermen birge áleýmettik sala qyzmetkerleriniń kúshimen ǵana ilgeri jyljyp keldik. Al qazirgi ýaqytta qolǵa alynǵan sharalardyń saı keletindigin nemese kelmeıtindigin aıta alatyn quziretti organdardyń da aralasatyn sáti týdy. Esterińizde bolsa ǵımaratqa kirýge arnalǵan qarapaıym pandýstardy ornatýdyń ózi naýqanshylyqqa aınalyp ketti. Pandýstar standartqa saı jasalmady, buryshtary durys bolmaı kóterilý qıyndyq týdyrdy», - dedi vıtse-mınıstr múdekterge kedergisiz orta qurý máseleleri talqylanyp jatqan úsh kúndik respýblıkalyq oqý-tájirıbelik semınar barysynda.
Onyń aıtýynsha, qazirgi ýaqytta Eńbek jáne halyqty áleýmettik qorǵaý mınıstrligi bul máselelerdi sheshýdi aldyna mindet retinde qoıyp otyr.
«Birinshi kezekte bul quziretti organdardyń aldynda qoljetimdilikti qamtamasyz etý boıynsha baqylaýshy qyzmetin bekitý bolyp otyr. Qazirgi ýaqytta Indýstrııa jáne ınfraqurylymdyq damý mınıstrligi jalpyulttyq jospardyń 62 tarmaǵy boıynsha Jol kartasyn ázirledi. Atalǵan kartaǵa sáıkes endigi ýaqytta óńirlerdiń óziniń aýmaqtyq kartasy bolýy tıis jáne biz sol jol kartalarynyń júzege asyrylýyn qamtamasyz etýimiz kerek», - dedi ol.
Aıta keteıik, «Kedergisiz orta qurý boıynsha keshendi tásildi qalyptastyrý jáne jumys júıesin uıymdastyrý» taqyrybyndaǵy semınardy elimizidń Eńbek jáne halyqty áleýmettik qroǵaý mınıstrligi Eýrazııalyq ınklıýzıvti qoǵamdy damytý qaýymdastyǵymen birge uıymdastyryp otyr. Sonymen qatar sharaǵa «Nur Otan» partııasy da qoldaý kórsetken.
