Múmkindigi shekteýli adamdar úshin shıpajaıda emdeý merzimi uzartylady
Atap aıtqanda, sanatorlyq-kýrorttyq emdeý qyzmetterin memlekettik satyp alý konkýrsynda jeńimpaz bolǵan uıym kórsetedi, ne bolmasa úkimettik emes uıymdarmen shart jasasý arqyly usynylady. Nátıjesinde joldamalar ózara yntymaqtastyq ornatqan sanatorıılerge beriledi jáne múgedekter mekemeni óz betinshe tańdaı almaıdy. Buǵan qosa, sanatorlyq-kýkrorttyq emdeý merzimi aıqyndalmaǵan, sonyń saldarynan túrli óńirlerde onyń uzaqtyǵy 7-den 14 kúnge deıin quraıdy.
«Memlekettik satyp alý týraly» Zańǵa sáıkes, ońaltýdyń tehnıkalyq quraldarymen eń az quny boıynsha nemese ÚEU-dan bir kózden satyp alynady. Bul rette taýarlar múgedektigi bar adamdardyń jeke qajettilikterin eskermesten jappaı satyp alynady.
«Qazir biz qoldanystaǵy buıryqqa múgedekter úshin 14 kúnnen kem emes sanatorııalyq-kýrorttyq emdelý merzimin belgileý bóliginde ózgerister engizemiz. 2020 jyldyń shildesinen bastap shıpajaılyq-kýrorttyq emdeý qyzmetteri áleýmettik qyzmetter portalyna kóshiriledi, bul múgedektigi bar adamdarǵa uıymdy óz betinshe tańdaýǵa múmkindik beredi. Sondaı-aq, portaldy iske qosý ońaltýdyń tehnıkalyq quraldaryn usyný tetigin jetildirýge múmkindik beredi. 2020 jyldyń qańtarynan bastap jeke irikteýdi talap etpeıtin ońaltýdyń tehnıkalyq quraldarynyń 55 túriniń 24-i portalǵa, qalǵan 31 túri - 2021 jyldyń qańtarynan bastap aýystyrylatyn bolady. Bul múgedektigi bar adamdarǵa jeke qajettilikterdi, sapany, ónim berýshiniń bedelin, basqa paıdalanýshylardyń pikirlerin jáne basqa da máseleni eskere otyryp, ońaltýdyń tehnıkalyq quraldaryn óz betinshe tańdaýǵa múmkindik beredi», - dedi Erlan Áýkenov.
Budan buryn habarlanǵandaı, atalǵan otyrysqa QR Premer-Mınıstriniń orynbasary Berdibek Saparbaev, QR Prezıdentiniń kómekshisi – QR Prezıdenti Ákimshiliginiń ótinishterin qaraýdy baqylaý bóliminiń meńgerýshisi Aıda Balaeva, QR Eńbek jáne halyqty áleýmettik qorǵaý mınıstri Birjan Nurymbetov, sondaı-aq birqatar vedomstvolardyń vıtse-mınıstrleri qatysty.
