Mýmbaıdaǵy aýrýhanada órt shyǵyp, alty adam qaıtys boldy
NЬıÝ-DELI. QazAqparat - Úndistannyń Mýmbaı megapolısinde koronavırýs juqtyrǵandarǵa arnalǵan aýrýhanada beısenbide qaıtys bolǵandar sany alty adamǵa jetti, dep habarlaıdy QazAqparat Reuters agenttigine silteme jasap.
Buǵan deıin The Times Of India gazeti eki adamnyń qaza tapqany týraly habarlaǵan bolatyn.
Qutqarýshylar men órt sóndirýshiler órtengen aýrýhanadan barlyǵy 76 patsıentti, onyń ishinde ókpeni jasandy jeldetý apparattaryna qosylǵan jeti adamdy evakýatsııalady. Olardyń barlyǵy basqa aýrýhanaǵa jatqyzyldy.
Koronavırýsty juqtyrǵandarǵa arnalǵan aýrýhana saýda ortalyǵynyń úshinshi qabatynda ornalasqan. Órt onyń birinshi qabatynda shyqqan. Tótenshe oqıǵaǵa kúrdeliliktiń úshinshi sanaty berildi.
Órttiń shyǵý sebebi áli anyqtalǵan joq, tergeý amaldary júrgizilýde.
