Mýmbaıdaǵy alapat nóser: birneshe aýdan sý astynda qaldy
NЬıÝ-DELI. QazAqparat – Tolassyz jaýǵan mýsson jańbyrynyń saldarynan Úndistannyń «ekonomıkalyq astanasy» Mýmbaıdyń birneshe aýdanyn sý basyp qaldy, dep habarlaıdy QazAqparat NDTV telearnasyna silteme jasap.
Telearnanyń habarlaýynsha, dúısenbiden bastap tolassyz jaýǵan jańbyr mólsheri shamamen 230 mm bolǵan.
Bılik seısenbi kúni shuǵyl qyzmetti qospaǵanda, barlyq ofıster men ǵımarattardy jabý týraly sheshim qabyldady. Avtobýs qatynasy shekteldi, jergilikti poıyzdar toqtatyldy. Qalanyń birneshe bóligindegi kósheler men joldar sý astynda qaldy. Ásirese Goregaon, Kıng-Serkl, Dadar, Shıvadjı-Choýk qatty zardap shekti.
Sınoptıkter qalada nóser jańbyr áli de jaýýy múmkin ekenin eskertti.
