Mýmbaıda nóser jańbyr saldarynan qurban bolǵandar sany 33 adamǵa jetti
NЬıÝ-DELI. QazAqparat – Úndistannyń Mýmbaı megapolısinde mýssondyq nóser saldarynan ǵımarattardyń qulaýynan qaza tapqandardyń jalpy sany 33 adamǵa jetti, dep habarlaıdy QazAqparat Times of India-ǵa silteme jasap.
Basylymnyń habarlaýynsha, oqıǵa bolǵan jerde qutqarý jumystary jalǵasýda, qurbandar sany odan da kóp bolýy múmkin.
Jeksenbi kúni India TV telearnasy 24 adamnyń qaıtys bolǵanyn habarlaǵan.
Ortalyq úkimet pen Maharashtra shtatynyń (astanasy Mýmbaı) bıligi qaza tapqandar men jaraqat alǵandardyń otbasylaryna kómek berý jaıly jarııalady.
Meteorologtardyń aıtýynsha, Mýmbaıda ótken senbi kúni keshqurymnan jeksenbi kúni tańerteńge deıin shamamen 200 mm jaýyn-shashyn jaýǵan. Nóser saldarynan qalanyń oıpatty aýdandarynda sý tasqyny bolǵan. Sel men sý tasqynynan Chembýr, Vıhrolı, Bhandpýr aýdandarynda ǵımarattar qulady.
