SQO-da on aıda turǵyndar ınternet alaıaqtarǵa 660 mln teńgesin berip qoıǵan
PETROPAVL. KAZINFORM – Soltústik Qazaqstan oblysynda ınternet alaıaqtardan zardap shegýshiler sany azaıar emes. Aldyn alý jumystary júrgizilgenimen bıylǵy on aıda osy qylmystyń 606 deregi tirkelgen.
Kóliktegi polıtsııa departamentiniń Petropavl stantsııasyndaǵy jelilik polıtsııa bóliminiń málimetinshe, byltyr óńir turǵyndary ınternet alaıaqtardan 577,5 mln teńge shamasynda shyǵyn shekse, bıyl qańtar-qyrkúıek aılary aralyǵynda 660 mln 330 myń teńgeden aıyrylǵan. Polıtsııaǵa kúnde 5 adam ózin ınternet alaıaqtar aldaǵandyǵy týraly zabarlasady eken.
«Aldyn alý jumystary nátıjesinde 750 turǵyn ózderin ınternet alaıaqtarǵa aldaýǵa jol bermegen. ıAǵnı profılaktıkanyń nátıjesi bar. Sol sebepti biz Ońtústik-Oral temirjoly Petropavl bólimshesi jumysshylarymen kezdesip, alaıaqtar jıi qoldanatyn tásilder jaıynda aıtyp, túsindirdik. Sodaı-aq poıyzdarda jolaýshylarmen kezdesip, býkletter tarattyq, eskerttik», - deıdi Kóliktegi polıtsııa departamentiniń Petropavl stantsııasyndaǵy jelilik polıtsııa bóliminiń jedel ýákili Azamat Raev.
Mamannyń aıtýynsha, ınternet alaıaqtar adamnyń jasy men jynysyn esepke alady.
«Er adamdar kóbine Kolesa.kz saıtynda jarııalanǵan jalǵan habarlandyrýlar arqyly alaıaqtarǵa jem bolyp jatady. Sondaı-aq olarǵa «banktiń qaýipsizdik qyzmetinen» habarlasady.
Áıelder kóbine áleýmettik jeli arqyly saýda jasap, aldanady. Sondaı-aq olarǵa da «bank qyzmetkerleri» habarlasady.
Al jastardy, stýdentterdi kýrer-dropper bolýǵa tartady.
Zeınetkerlerge de «banktiń qaýipsizdik qyzmetinen» jáne quqyq qorǵaý organdarynyń «qyzmetkerleri» bolyp habarlasady», - deıdi Azamat Raev.
Máselen qazan aıynyń basynda Petropavldyń 63 jastaǵy turǵynyna belgisiz adam hapbarlasyp, ózin «Ulttyq banktiń qyzmetkerimin» dep tanystyrǵan. Qala turǵynyna alaıaqtar onyń atyna 3 mln teńge nesıe resimdegenin aıtyp, alaıaqtar ol aqshany ala almaý úshin «Hoptýdesk» qosymshasyn júkteý qajettigin aıtqan. Zeınetker nusqaýlarǵa súıene otyryp, baǵdarlamany uıaly telefonǵa júkteıdi. Birazdan keıin onyń shotynan 740 myń teńge aqshasy joǵalǵan. Tek bank fılıalynda ǵana óziniń alaıaqtardyń qurbany bolǵanyn túsingen.
«Jıi kezedesetin qatelikterdiń biri - bankomattan aqsha alý nemese tólem termınaldary arqyly operatsııalardy júrgizý kezinde azamattar túbirtekteri men chekterin qaldyryp ketedi. Bul durys emes, kóptegen chekterde adamnyń derekteri, uıaly telefon nómiri jáne JSN-i, sońǵy aýdarym-tolyqtyrý somasy kórsetiledi. Bul - alaıaq úshin keremet múmkindik, bolashaqta sizge qońyraý shalyp, ózin bank qyzmetkeri tanystyryp, siz týraly barlyq tolyq aqparatty ataıdy jáne bolashaqta qolma-qol aqshaǵa qol jetkize alady. Banktik operatsııalar júrgizilgennen keıin chekter men túbirtekterdi birge alyp ketýge keńes beremin», - deıdi polıtsııa qyzmetkeri.
Buǵan deıin SQO-da úsh aptada zańsyz ańshylyqtyń 100-den astam faktisi tirkelgenin jazǵan edik.
