Mýmbaı Azııadaǵy eń kóp mıllıarder turatyn qala atandy
ASTANA. KAZINFORM – Úndistannyń Mýmbaı qalasy Azııadaǵy jańa «mıllıarderlerdiń astanasy» atandy. Bul týraly Shanhaıdaǵy Hurun zertteý ınstıtýtynyń aqparatyna súıene otyryp, Nikkei Asia habarlady.
92 mıllıarderi bar Mýmbaı Pekındi basyp ozyp, Azııadaǵy eń kóp mıllıarder turatyn qala atandy.
Instıtýttyń esebine sáıkes, Nıý-Iorkte 119 mıllıarder bolsa, Londonda – 97. Mýmbaı 92 mıllıardermen álemde úshinshi orynda tur.
Aıta keteıik, Úndistanda barlyǵy 271 mıllıarder bar. Al Mýmbaı ekonomıkasy 2023 jyly 7,5 paıyzǵa ósken. Elder boıynsha tizimde Qytaı 814 mıllıardermen kósh bastap tur, bul 2022 jylmen salystyrǵanda 155 adamǵa azaıǵan.
Mıllıarderler sany boıynsha Amerıka Qurama Shtattary 800 mıllıardermen ekinshi orynǵa jaıǵasqan. Jasandy ıntellekt pen aqparattyq tehnologııalar salalary AQSh ekonomıkasynda kóshbasshyǵa aınaldy. AQSh-tyń chıp óndirýshisi Nvidia bas dırektory Djensen Hýang 48 mıllıard dollar baılyǵymen úzdik 30 tizimge endi. Google, Meta jáne Microsoft ıeleriniń baılyǵy aıtarlyqtaı ósken.
