Mýmbaı men Goaǵa tikeleı ushatyn áýe baǵyttary ashyldy
ASTANA. 10 shilde. QazAqparat - Qazaqstannan Úndistannyń iri qarjy ortalyǵy Mýmbaı qalasy men Goa shıpajaıyna tikeleı reıs ashyldy,
dep habarlaıdy BNews.kz .
Bul Delıde Qazaqstan men Úndistannyń avıatsııalyq vedomstvolary basshylarynyń arasyndaǵy ekijaqty kelisimge qol jetkizilgennen soń múmkin boldy. Úndistandyq áýe kompanııalary da óz jolaýshylaryn endi tikeleı reıs arqyly Astanaǵa, Qaraǵandy men Shymkentke jetkize alady.
QR Kólik jáne kommýnıkatsııa vıtse-mınıstri Azat Bekturovtyń aıtýynsha, jańa baǵyttar elimizdiń tranzıttik áleýetin júzege asyrýdaǵy osynaý jarqyn oqıǵa óz kezeginde otandyq bıznes pen ekonomıkanyń damýyna aıtarlyqtaı yqpal etpek.
Aıta ketsek, úsh reıs boıynsha Qazaqstannan Úndistanǵa ushý jıiligi aptasyna 14-ke jetedi.
