Múlikti memleketke syıǵa tartý sharttary ózgerýi múmkin

ASTANA. KAZINFORM — «Syıǵa tartý sharty boıynsha memlekettiń múlik quqyǵyna ıe bolý qaǵıdasyn bekitý týraly» Úkimet qaýlysynyń jańa redaktsııasy 25 shildege deıin talqylaýǵa shyǵarylyp otyr.

— Memlekettik menshikke tıimsiz, eskirgen nemese qaıtalanatyn aqparat tehnologııalarynyń sheshimderin qabyldaýǵa jol bermeý, «Elektrondyq úkimet» arhıtektýrasynyń saqtalýyn baqylaýdy kúsheıtý, úılespeıtin aqparattyq júıelerdi qoldaýǵa bıýdjettiń qosymsha shyǵystaryn boldyrmaý, syıǵa tartý sharty boıynsha memlekettiń múlik quqyǵyna ıe bolý rásimin tsıfrlandyrý, — delingen qujattyń qabyldanýynan kútiletin nátıje týraly sıpattamada.

Jańa redaktsııa sybaılas jemqorlyqpen ıemdelgen qarajatty tıimdi qaıtarýǵa arnalǵan Bilim berý ınfraqurylymyn qoldaý qorynyń ataýyn «Arnaýly memlekettik qor» etip aýystyrýdy da kózdeıdi.

Sondaı-aq, syıǵa tartý sharty boıynsha memlekettiń múlik quqyǵyna ıe bolý rásimin «Memlekettik múlik tizilimi» aqparattyq júıesi arqyly tsıfrlandyrý josparlanyp otyr.

Eske salsaq, Almaty memlekettik múlik jáne jekeshelendirý departamentiniń basshysy alaıaqtyq jasady degen kúdikke ilingen bolatyn.