Múlki joq adamdarǵa salyq tóleý týraly qate eskertpe kelgen jaǵdaıda kimge júginý kerek

NUR-SULTAN. QazAqparat – Múlki joq adamdarǵa salyq týraly qate eskertpe kelgen jaǵdaıda kimge júginýge bolady? Bul suraqqa QR Qarjy mınıstrligi Memlekettik kirister komıtetine qarasty Ssalyq salý ádisnamasy departamenti dırektorynyń mindetin atqarýshy Dáýlet Jarylǵasynov jaýap berdi, dep habarlaıdy QazAqparat tilshisi.

«Jumys babynda osyǵan uqsas jaǵdaılardyń kezdesip turady. Keı jaǵdaıda ýákiletti organdardan túzetilýi tıis qate málimetter túsip jatady. Ondaıǵa jolyqqan adamdar ózi týraly málimetterdi túzeý úshin «Azamattarǵa arnalǵan úkimet» memlekettik korporatsııasyna júginýge kerek. Túzetilgen málimetterdi salyq organdaryna qaıta usynsańyz, salyq ınspektory sizge tıesili salyqty qaıta eseptep beredi», – dedi Dáýlet Jarylǵasynov.

Eske sala ketsek, buǵan deıin Dáýlet Jarylǵasynov 2020 jyldan bastap jer men múlik salyǵyn biriktiriletinin, kólik salyǵy ár jyldyń sáýir aıyna deıin tólene bastaıtynyn habarlaǵan bolatyn.