Múlik salyǵynyń kólemi nelikten jyl saıyn ózgerip otyrady

Astana qalasy memlekettik kirister departamenti óndiristik emes tólemderi basqarmasynyń basshysy Erlan Bákirov óńirlik kommýnıkatsııalar qyzmetinde ótken brıfıngide múlik salyǵyn tóleý merzimi aıaqtalýǵa jaqyn qalǵanyn eskertti, dep habarlaıdy QazAqparat tilshisi.

«Kólik senimhat arqyly satylǵan bolsa, menshik quqyǵy satýshyda qala beredi. Ýákiletti organnyń málimetinde ol kólik satyp alǵan adamnyń emes, satyp jibergen adamnyń atynda turady. Sondyqtan ýákiletti organnyń esebinen atyńyzdaǵy kólikti shyǵaryp tastaǵansha salyq sizge salynady», - dedi basqarma basshysy.

Erlan Bákirov BAQ ókilderiniń saýalyna bergen jaýabynda múlik salyǵynan zeınetkerler, kópbalaly analar men kópbalaly otbasylar bosatylatynyn rastady.

Sondaı-aq, ol múlik salyǵynyń mólsheri nege jyl saıyn ózgeretinin túsindirdi.

«Ýákiletti organ jyl saıyn múlikterdiń qunyn qaıta baǵalap otyrady. Osy qun ózgergen saıyn múlik salyǵy da ózgerip otyrady», - dedi departament ókili.

Salyq mamany memlekettik qyzmetshilerdiń №250 qalyptaǵy salyq deklaratsııasyn alǵash ret memlekettik qyzmetke turǵanda ǵana tapsyratynyn, odan keıin jyl saıyn №275 qalyptaǵy deklaratsııa tapsyrý qajettigin túsindirdi.