Múlik salyǵy: neni bilý kerek jáne qashan tóleý kerek
ASTANA. KAZINFORM – Memlekettik kirister komıteti bıylǵy 1 qazanda 2024 jyl úshin jyljymaıtyn múlik jáne jer ýchaskeleriniń menshik ıeleri - jeke tulǵalardyń múlik salyǵyn tóleý merzimi aıaqtalatynyn eske salady.
Jeke tulǵalardyń salyq salý obektileri boıynsha salyqty esepteýdi salyq organdary «Azamattarǵa arnalǵan úkimet» memlekettik korporatsııasy aıqyndaıtyn salyq salý obektileriniń quny jáne menshik quqyǵynda ıelenýdiń is júzindegi merzimine qaraı júrgizedi.
- Salyq zańnamasyna sáıkes 2024 jyl úshin tólenetin múlik salyǵynyń somalary boıynsha habarlamalar aǵymdaǵy jyldyń shilde aıynan bastap menshik ıelerine jiberiledi. Budan basqa, ekinshi deńgeıdegi bankterdiń mobıldi qosymshalaryn paıdalanýshylarǵa salyq somasy boıynsha PUSH-habarlamalar jiberý bastalǵanyn habarlaıdy, dep jazdy Memlekettik kirister komıtetinen.
Sonymen birge, 2025 jyldyń 2 qazanynan bastap salyq somalaryn ýaqytynda tólemegen jeke tulǵalarǵa salyq bereshegi týraly habarlamar jiberiletinin eske salamyz.
Salyqty e-Salyq Azamat jáne ekinshi deńgeıdegi bankterdiń mobıldi qosymshalary, «Elektrondyq úkimet» portaly arqyly, ekinshi deńgeıdegi bankterdiń bólimsherindegi nemese tólem termınaldaryndaǵy qolma-qol aqsha qarajatymen, sondaı-aq bankomattar men tólem termınaldaryndaǵy bank kartalary arqyly tóleýge bolady.
Aıta keteıik, Parlament jańa Salyq kodeksin bekitti.