Múliktiń menshik ıeleri birlestigin tirkeý protsesinde eGov Mobile qosymshasyn qoldaný usynyldy

ASTANA. QazAqparat – Múliktiń menshik ıeleri birlestigin tirkeý protsesinde eGov Mobile qosymshasyn qoldanýǵa bolady. Mundaı usynys «Múliktiń menshik ıeleri birlestiginiń ózekti máseleleri jáne olardy sheshý joldary» ataýymen ótkizilgen ashyq pikir almasý alańynda jasaldy, dep habarlaıdy QazAqparat Indýstrııa jáne ınfraqurylymdyq damý mınıstrligine silteme jasap.

Jyljymaıtyn múlik ıeleriniń qordalanǵan máseleleri qaralǵan sharaǵa Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın men Indýstrııa jáne ınfraqurylymdyq damý vıtse-mınıstri Dınara Şeglova qatysty.

Múliktiń menshik ıeleriniń birlestigi men Tsıfrly úkimetti qoldaý ortalyǵynyń, sondaı-aq qoǵamdyq uıymdar men IT kompanııalardyń ókilderi de pikir bildirdi.

Shara barysynda qazir MMIB-ke aýyspastan buryn, aldymen arnaıy kommertsııalyq emes uıymdardy tirkep, daýys berýge arnalǵan mobıldi qosymshalardy ázirleý jáne páter ıeleriniń tizimderin jasaqtap, saýalnama paraqtarymen daýys berý hattamalaryn daıyndaýǵa baılanysty tetikterdi jetildirip, basqa da ózekti máselelerdi sheshýge kúsh salý qajettigi aıtyldy.

Jıynnyń qorytyndysy boıynsha daýys berýdi ótkizý jáne múliktiń menshik ıeleriniń birlestigin tirkeýdi birizge túsirý úshin eGov Mobile mobıldi qosymshasyn paıdalaný usynyldy.