Múlikke salyqty arttyrý aýdandyq mańyzy bar qalalar, kentter men aýyldarǵa qatysty qoldanylmaıdy - E. Dosaev
ASTANA.12 qyrkúıek. QazAqparat - Turǵyn úı sharshy metriniń bazalyq qunyn eki esege arttyrý usynylýda - Astana jáne Almaty úshin 60 myń teńgege, oblys ortalyqtary úshin 36 myń teńgege deıin.
Ózge eldi mekender úshin bazalyq qun burynǵy deńgeıde qalady. Bul týraly salyq salý jónindegi zańnamaǵa túzetýlerdi Májiliste tanystyrý barysynda QR Ekonomıka jáne bıýdjettik josparlaý mınıstri Erbolat Dosaev málim etti, dep habarlaıdy QR EBJM baspasóz qyzmetinen.
Erbolat Dosaev ózgeristerdiń aýdandyq mańyzy bar qalalarǵa, kentterge, aýyldarǵa qoldanylmaıtynyn basa atap ótti.
Astana jáne Almaty qalalary úshin qoldanystaǵy bazalyq quny 30 000 teńge/sh.m., oblys ortalyqtary úshin - 18 000 teńge/sh.m.
150 sharshy metrden joǵary páterler jáne 300 sharshy metrden joǵary turǵyn úıler úshin úshke teń bolatyn arttyrý koeffıtsıenti engizilýde.
Belgili kezeń ishinde paıdalanylmaǵan turǵyn úı nemese ózge qurylysqa arnalǵan jerge salyq mólsherlemesin 10 eselengen mólsherge arttyrý usynylady. Bul shara jerdi utymdy paıdalaný qajettiginen týyndap otyr.
