Múlik pen qarajatqa raqymshylyq shamamen 10-12 mlrd. dollardy qamtıtyn bolady
ASTANA. QazAqparat - Múlik pen qarajatqa raqymshylyq shamamen 10-12 mlrd. dollardy qamtıtyn bolady. Bundaı boljamdy búgin Parlament Májilisiniń otyrysynda QR Premer-Mınıstriniń orynbasary - Qarjy mınıstri Baqyt Sultanov jarııa etti.
Eske salaıyq, jalpy otyrysta «Qazaqstan Respýblıkasynyń azamattaryna, oralmandarǵa jáne Qazaqstan Respýblıkasynda turýǵa yqtııarhaty bar tulǵalarǵa olardyń múlikti jarııa etýine balanysty raqymshylyq jasaý týraly» zań jobasy maquldanǵan bolatyn.
«Qarjylyq raqymshylyq sharasynyń basty maqsaty - búgingi kóleńkeli aınalymdaǵy qarajatty ekonomıkaǵa tartý. Dúnıejúzilik banktiń zertteýleri boıynsha jalpy ishki ónimniń 19,2 paıyzy kóleńkede júr. Sarapshylar bul kórsetkishtiń odan joǵary ekenin aıtady. Eń bastysy kóleńkeli ekonomıkanyń kózderi túrli resýrstardan quralatyny, onyń ishinde sybaıles jemqorlyq pen krımınaldyq qarajattar da bar ekeni túsinikti. Alaıda qylmystyń jekelegen túrleri raqymshylyqqa jatpaıdy», - deıdi QR Premer-Mınıstriniń orynbasary - Qarjy mınıstri Baqyt Sultanov.
Onyń aıtýynsha, buǵan deıingi raqymshylyq sharasy aıasynda Qazaqstan 6,7 mlrd dollardy kóleńkeden shyǵarǵan. «Al kezekti aktsııa bir jarym jyldy qamtıtyndyǵyn jáne basqa da resýrstardy eskere otyryp, raqymshylyq 10-12 mlrd. dollardy qamtıtynyn boljaımyz. Álbette, bul rette durys túsindirý jumystary, sharany jemisti uıymdastyrý, bankter men Ulttyq banktiń jumysty joǵary úılestirýi mańyzdy ról atqarmaq. ıAǵnı, qalaı degenmen, kóleńkeden shyǵarylatyn qarajat bizdiń jumys barysymyzǵa da basym jaǵdaıda baılanysty bolyp otyr», - dedi B. Sultanov.
Toqtala ketetin jaıt, buǵan deıin de belgili bolǵanyndaı, múlikterdi jarııa etý merzimi 2014 jylǵy 1 qyrkúıekten 2015 jylǵy 31 jeltoqsan aralyǵynda aıqyndalǵan bolatyn.
