Múlik ıeleri birlestigin onlaın tirkeýge bolady - mınıstrlik

ASTANA. QazAqparat – Múlik ıeleri birlestigin onlaın tirkeýge bolady, dep habarlaıdy QazAqparat Indýstrııa jáne ınfraqurylymdyq damý mınıstrliginiń baspasóz qyzmetine silteme jasap.

Buǵan deıin múlik ıeleriniń birlestigin tirkep, onyń tóraǵasyn saılaý úshin baspana ıelerimen birneshe márte kezdesip, tıisti ótinishti jiberýge uzaq protsesten ótýge týra keletin. Endi «Ýprav.dom» mobıldi qosymshasy arqyly smartfondaǵy batyrmany basyp, qajetti ótinishti onlaın joldasa jetkilikti. Memlekettik derekter bazasy men tsıfrly platformalardyń ıntegratsııasy nátıjesinde «MIB-ti onlaın tirkeý» qyzmeti jolǵa qoıyldy.

Atalǵan joba boıynsha daýys berýdiń onlaın formaty qarastyrylǵan. Demek turǵyndardyń kelisimi men qoldary ınteraktıvti túrde jınalyp, daýysty, kvorýmdy avtomatty sanaý jáne elektrondy hattamany qalyptastyrý kózdeledi.

Sondaı-aq, MIB-ti elektrondy formatta tirkeý úshin turǵyn úı tóraǵasynyń, hatshynyń jáne turǵyn úı keńesiniń qoly qoıylǵan elektrondy hattamany «Zańdy tulǵalar» memlekettik derekqoryna jiberý múmkindigi jolǵa qoıylǵan.

Bul jobany iske asyrý arqyly MIB qyzmetiniń ashyqtyǵyn qamtamasyz etip, alaıaqtyq áreketterdi aldyn alý, turǵyn úıdi basqarý protsesterin avtomattandyrý, sondaı-aq qaǵaz qujat aınalymyn azaıtý mejelengen.

Qosymshany paıdalaný jónindegi nusqaýlyqpen myna jerden tanysa alasyz.

Al, qosymshany júkteý siltemesi: https://eosi.page.link/2irR