Múlik ıeleri birlestigi jumysy jolǵa qoıyldy ma
NUR-SULTAN. QazAqparat – Turǵyn úı kommýnaldyq-sharýashylyǵyn jańǵyrtý men damytýdyń qazaqstandyq ortalyǵynyń departament basshysy Marǵulan Ábdikárimov múlik ıeleri birlestikteriniń qalaı jumys istep jatqandyǵyn túsindirdi, dep habarlaıdy QazAqparat tilshisi.
«Ótken jyldyń basyna turǵyn úı qatynastary týraly zańǵa ózgertýler men tolyqtyrýlar engizilgen bolatyn. Ondaǵy basty jaıt sáıkes bir kóppáterli úı bir birlestik jáne bir esepshot qaǵıdatymen jumys isteýi tıis. Soǵan baılanysty qazirgi tańda elimizde 1 850 jańa birlestik quryldy. Onyń ishinde 829 múlik ıeleri birlestigi zańdy tulǵa retinde, al qalǵandary jaı seriktestik retinde tirkeldi. Búgingi kúni karantın is-sharalaryna baılanysty kóptegen kóppáterli úılerdiń turǵyndary jınalystaryn ótkize almady. Soǵan baılanysty kópshiligi jazbasha saýalnamaǵa ótip jatyr. ıAǵnı, reforma ret-retimen júrgizilip jatyr. Aqparattyq túsindirý jumystaryn Turǵyn úı kommýnaldyq-sharýashylyǵyn jańǵyrtý men damytýdyń qazaqstandyq ortalyǵy arqyly júrgizýdemiz», - dedi ol búgin elordadaǵy jańadan qurylǵan múlik ıeleri birlestiginiń jumysymen tanysý barysynda.
Sonymen qatar ol kóppáterli úılerdiń turǵyndarynan kommýnaldyq tólemderdi óndirip alý jumystarynyń jeńildetilgenin aıtady.
«Buryndary kommýnaldyq tólemderdi tólemeıtin turǵyndar kezdesip jatatyn. Ondaı kezde Páter ıeleri kooperatıvi nemese basqarýshy kompanııaǵa sotqa júginetin edi. Qazir bul másele barynsha jeńildetildi. Endi basqarýshy organ notarıýs retinde atqarýshylyq uıǵarym toltyryp, sol arqyly bereshek aqshany qaıtaryp alady. ıAǵnı, barlyq másele sotqa deıin sheshiledi», - dedi departament basshysy.
Marǵulan Ábdikárimov tozyǵy jetken úılerdiń lıftisin aýystyrýǵa, kúrdeli jóndeý jumystaryn júrgizýge jergilikti bıýdjet qarajatyn tartý múmkindigi bar ekendigin aıtady. Degenmen, ákimdik bólgen mundaı qarajatta jóndeý jumystary júrgiziletin úıdiń turǵyndary aı saıyn bólip tólep, tolyǵymen qaıtarýy tıis.
Al «EKSPO qalashyǵy» múlik ıeleri birlestiginiń tóraǵasy Dáýren Saparbekov múlik ıeleri birlestiginiń Páter ıeleri kooperatıvinen birqatar artyqshylyǵy bar ekendigin atap ótedi.
«Qazir bankten arnaýly esepshot ashtyq jáne aqsha qarajatynyń qaıda jumsalyp jatqanyn baqylap otyra alamyz. Sonymen qatar birlestikke qarasty úılerde jalpyǵa ortaq oryn-jaılar bar. Sony jınalys barysynda qandaı maqsatta paıdalaný máselesin birlesip sheshemiz», - dedi ol.
