Múlik ıeleri birlestigi mamandaryn daıarlaýǵa múmkindik bar ma

ASTANA. QazAqparat – Elordada múlik ıeleri birlestigi jáne turǵyn úı ıeleri kooperatıvi basshylaryn maman retinde daıarlaý týraly usynys jasaldy, dep habarlaıdy QazAqparat tilshisi.

Astana qalalyq máslıhatynyń otyrysynda depýtat Azamat Aıtqojın kelesi máseleni kóterdi.

Turǵyndar múlik ıeleri birlestigi jáne turǵyn úı ıeleri kooperatıvine qatysty máseleni jıi kóteredi. Osy oraıda, qaladaǵy kolledjderdiń birinde arnaıy fakýltet ashyp, mamandardy daıarlaýdyń múmkindigi bar ma?

- dep suraq qoıdy ol.

Máslıhat depýtatynyń saýalyna qalalyq bilim basqarmasynyń basshysy Qasymhan Senǵazıev jaýap berdi.

Elordada múlik ıeleri birlestigi jáne turǵyn úı ıeleri kooperatıvi basshylaryna arnalǵan oqytý kýrsy ázirlendi. Ol kýrs polıtehnıkalyq jáne taǵy basqa jeke kolledjderde bar. Atalǵan kýrs múlik ıeleri birlestigi assotsıatsııasymen birlesip daıyndaldy. Bul jerde arnaıy maman daıarlaýdyń qajeti joq dep oılaımyn. Kolledjder biliktiligin arttyrý boıynsha kýrstar uıymdastyrýǵa daıyn. Odan bólek, bıyl Qurylys kolledjinde múlik ıeleri birlestigi boıynsha «haýs-master» degen mamandyq ashtyq. Búginde lıtsenzııa alyndy, túlekter qabyldanady

, - deıdi vedomstvo basshysy.