Mýltfılm keıipkeri oıdan shyǵarylǵan eń baı personaj atanyp otyr
ASTANA. 8 sáýir. QazAqparat - Skrýdj Makdak, Forbes jýrnalynyń nusqasy boıynsha, oıdan shyǵarylǵan eń baı personaj ataǵyn qaıtaryp aldy.
Basylymnyń málimeti boıynsha, altyn baǵasynyń 30 paıyzǵa ósýiniń arqasynda (mýlfılmdi kórgen bolsańyz, Makdak óz aqshasyn saýytpen qaptalǵan úlken qoımanyń ishinde altyn túrinde saqtaıdy), Skrýdjdyń baılyǵy 33,5 mıllıard dollardan 44,1 mıllıard dollarǵa jetip otyr, dep habarlaıdy forbes.com saıty.
Oıdan shyǵarylǵan keıipkerlerdiń arasyndaǵy «baı-manaptar» reıtınginde ekinshi orynda - Stefanı Maıerdiń «Sýmerkı» kitabynyń keıipkeri Karlaıl Kallen tur. Onyń baılyǵy 36,2 mıllıard dollarǵa baǵalanady eken.
Oıdan shyǵarylǵan eń baı personajdar reıtıngisindegi úshinshi oryn - jas daryn Artemıs Faýl Ekinshige buıyryp otyr. Faýl - ırlandııalyq Iıon Kolferdiń kitabynyń keıipkeri. Forbes jas darynnyń baılyǵyn 13,5 mıllıardqa baǵalap otyr.
