Muqtaj otbasylarǵa aýyzasharǵa ketetin qarjyny aýdaryp, kómektesýge bolady – Bas múftı
«Buryn halqymyz pitir sadaqasyn meshitke kelip berip, Quran oqyp, bata alatyn. Ókinishke qaraı, bıyl biz olaı jasaı almaımyz. Sondyqtan biz Áziret sultan meshitinde ár 15 mınýt saıyn Quran oqyp, bata jasaıtyn bolamyz. Onlaın rejımge qosylyp, qol jaıyp, duǵaǵa tilekshi bolýlaryńyzǵa bolady», - deıdi QMDB Tóraǵasy, Bas múftı Naýryzbaı qajy Taǵanuly.
Ol bıyl Ramazan aıy 24 sáýirde bastalatynyn aıtty.
«Mamyr aıynyń 19-ynan 20-syna qaraǵan tún – Qadir túni. Ramazan – jaqsylyqta jarysatyn aı. Aýyz bekitken jandarǵa azyq-túlik jetkizip berseńiz de aýyz ashtyrǵannyń saýabyn alasyz. Tipti kómekke muqtaj otbasylarǵa aýyz asharǵa ketetin shyǵyndy berip, qarjylaı kómek kórsetseńiz de mol saýapqa kenelesiz. Osy rette barsha otandastarymdy kómekke muqtaj jandarǵa jan-jaqty qoldaý kórsetýge, elimizdegi meshitter arqyly aýyzy berik otandastarymyzǵa aýyzashar taratýǵa shaqyramyn», - deıdi ol.
