Muqtaj otbasylar Jańaózennen Aqtaýǵa kóshirilip jatyr

AQTAÝ. QazAqparat - Jańaózen qalasynyń muqtaj azamattaryn Aqtaý qalasyna kóshirý maqsatynda respýblıkalyq bıýdjetten - 2,9 mlrd teńge jáne «Ózenmunaıgaz» AQ esebinen – 1,0 mlrd teńge bólinip otyr, dep habarlaıdy QazAqparat tilshisi.

Aldaǵy ýaqytta 394 otbasy (1500 adam) baspanamen qamtamasyz etiledi. Qazirgi tańda 338 páter satyp alynyp, kóshýge nıet bildirgen turǵyndar komıssııa sheshiminiń oń qorytyndysyn alyp, kelisimshartqa otyryp jatyr.

Sonyń ishinde 70 otbasy páter aldy. Bıyl qosymsha 150-200 páter satyp alý josparlanǵan.

Qyzylsaı aýylynda órt saldarynan úısiz qalǵan 6 otbasyny baspanamen qamtý boıynsha ákimdik tarapynan jumys uıymdastyrylýda.