Muqaǵalıdyń dindi ǵylymnan joǵary qoıýy - jańalyq - Ǵarıfolla Esim
ALMATY. 1 tamyz. QazAqparat /Erlik Erjanuly/ - "Muqaǵalıdyń "Din - ǵylymnyń anasy" degen túıini qazir «Dintaný negizderi» degen oqýlyqqa endi", - dedi QR Parlament Senatynyń depýtaty, akademık Ǵarıfola Esim ótken demalys kúnderi Almaty oblysy Raıymbek aýdanynda Qarasaz aýyly men Shálkóde jaılaýynda ótken Muqaǵalı Maqataevtyń 80 jyldyǵyna arnalǵan toıda.
«Bolmys, rýh degender aqyn Muqaǵalı úshin bólinbeıtin tutas bir dúnıe. Ol - álem. Muqaǵalı álemin anyqtaıtyn qazaqy bolmys, qazaq rýhy. Bir shetinen ekinshi sheti 3 myń shaqyrymdy quraıtyn qazaq dalasy aqynnyń shólin qandyrǵan rýhanı azyǵy. Sondyqtan qaı óńirge barsań da aldyńnan Muqaǵalı shyǵa keledi. Mektep oqýshylarynan bastap eńkeıgen kárige deıin onyń óleńderin jatqa oqıdy», - deıdi Ǵarıfolla Esim. Onyń aıtýynsha, aqyndyq ǵulamalyq degen kezde qoldanatyn ólshem bar. Ol - hakim. ıAǵnı Muqaǵalı hakim. Hakim degen - dúnıe syryn izdeýshi. «Muqaǵalıdyń dindi ǵylymnan joǵary qoıýy - jańalyq. Ol ǵylymda endi ǵana aıqyndala bastaǵan jáıt. Muqaǵalı ómir súrgen zamanda ǵylym men bilim joǵary sanalatyn. Ǵylym jaratýshynyń jaratqan keremetterin zertteıdi. Jaratýshynyń ózin zertteı almaıdy. Muqaǵalı sondyqtan da "Din - ǵylymnyń anasy" degen túıin jasaǵan. Bul qazaqty dintanýda ózgelerden alǵa shyǵaryp otyr», - deıdi fılosofııa ǵylymynyń doktory, professor Ǵ.Esim.
