Muqaǵalıdyń týǵan kúnine oraı aqynnyń óleńine jazylǵan jańa án radıodan shyrqaldy

ASTANA.KAZINFORM - Qazaqtyń kórnekti qalamgeri Muqaǵalı Maqataevtyń týǵan kúnine oraı Qazaqstan radıo arnalarynyń efırinde aqynnyń «Mahabbatym ózimde» óleńine jazylǵan ánniń tusaýkeseri ótti.

Ánniń mýzykasyn kompozıtor Qadylbek Jaǵyparov jazsa, ony Temirbek Júrgenov atyndaǵy Qazaq ulttyq óner akademııasynyń túlegi, jas kórermen mýzykalyq teatrynyń aktrısasy Maqpal Dúısen oryndady.

Mýzykalyq týyndynyń jaryqqa shyǵýyna Qazaqstan Respýblıkasynyń Mádenıet jáne aqparat mınıstrligi qoldaý kórsetti.

Ánniń premerasy «Qazaq Radiosy» jáne «Shalqar Radiosy» radıostantsııalarynyń efırinde oryndaldy.

Aıta keteıik, bıyl Muqaǵalı Maqataevtyń týǵanyna 94 jyl tolyp otyr.