Muqaǵalı jyrlary qytaı tilinde jaryq kórdi
ALMATY. 1 tamyz. QazAqparat /Erlik Erjanuly/ - «Jer-sý» kompanııasynyń qoldaýymen Muqaǵalı Maqataevtyń jyrlary qytaı tilinde jeke kitap bolyp shyqty.
Bul týraly 29 shilde kúni Almaty oblysy Raıymbek aýdany Qarasaz aýylynda ótken «Jahandaný jáne Maqataev álemi» dep atalatyn ǵylymı-tájirıbelik konferentsııada málim boldy.
«Qytaıda endi jyl saıyn qazaq aqyn-jazýshylarynyń qytaı tilinde 5-6 aýdarma kitaptary shyǵarylmaq. Sondaı-aq qytaı aqyn-jazýshylarynyń úzdik shyǵarmalaryn da qazaq tiline aýdaryp baspaqpyz. Bul eki eldiń arasyndaǵy mádenı qarym-qatynasty damytý maqsatynda qolǵa alynyp otyr», - deıdi Qaısha Tábárik. Qytaıdan arnaıy kelgen aýdarmashynyń aıtýynsha, Muqaǵalı jyrlaryn oqyǵan qytaılyq oqyrman qazaq ádebıetine zor qyzyǵýshylyq bildirýde. Tipti keıbir Qytaı ǵalymdary Muqaǵalıdy túsinýge bizdiń bilimimiz jetpeıdi dep moıyndap, Muqaǵalı áleminiń tereńdigin eriksiz moıyndaýǵa májbúr bolǵan. Sondyqtan olar da endi qazaqtyń arǵy-bergi aqyn-jazýshylarynyń eń úzdik týyndylaryn 1,5 mıllıard halqy bar Qytaı eline tanytýǵa erekshe yntaly bolyp otyr.
