«Muqaǵalı» poetıkalyq dramasyna - 10 jyl!
ASTANA. QazAqparat - 2014 jyldyń 8 aqpanynda Q.Qýanyshbaev atyndaǵy Memlekettik akademııalyq qazaq mýzykalyq drama teatry teatr repertýaryndaǵy dramatýrg S.Turǵynbekulynyń «Muqaǵalı» poetıkalyq dramasynyń 10 jyldyǵyn atap ótedi, dep habarlaıdy teatrdyń baspasóz qyzmetinen.
«Muqaǵalı» poetıkalyq dramasy 2004 jyly alǵash ret sahnalanǵan, sodan beri teatr repertýaryndaǵy kórermender tarapynan joǵary suranysqa ıe qoıylymnyń biri. Pesa avtory Serik Turǵynbekuly, qoıýshy rejısseri - QR eńbek sińirgen qaıratkeri Bolat Uzaqov. Aqıyq aqynnyń beınesin akter Janqaldybek Tólenbaev somdaıdy.
«Ómirin poezııa men prozaǵa arnaǵan uly tulǵanyń beınesi teatr óneri arqyly barsha kórermenge nasıhattalaýda. Zamanyna syımaı ketken aqıyq aqynnyń júregi názik. Poetıkalyq dramadan tiri kezinde baǵalanbaǵan aqynnyń qoǵamnan kórgen qııanatyn, jan kúızelisin baıqaımyz. Bir ǵana aqyn ómiri arqyly ómir súrip otyrǵan ortanyń hal-ahýalyn kóremiz» delingen habarlamada.
