Muqaǵalı Maqataevtyń shyǵarmalaryn halyqqa keńinen nasıhattaý maqsatynda tyń joba júzege asty
ASTANA. 6 maýsym. QazAqparat - Búgin Astana qalasyndaǵy Ulttyq Akademııalyq kitaphanada saǵat 11:00-de qazaqtyń birtýar aqyny - M. Maqataevtyń alǵashqy elektrondy kitap nusqasynda jaryq kórgen shyǵarmalarynyń tusaýkeseri ótedi.
Igi istiń basynda «ABYROI» qazaq mádenıeti men tilin damytý korporatıvtik qory tur.
Osy erekshe jobanyń arqasynda Alashtyń aıaýly aqyny óz daýsymen oqyp, «Altyn qorda» saqtalyp kelgen taspanyń kóshirmesi tuńǵysh ret jyrsúıer qaýymǵa jol tartty. Sonymen qatar, Muqaǵalı jyrlaryn tanymal teatr tarlandarynyń oqýynda tyńdaýǵa bolady. Aqynnyń ónegeli ómirin sıpattaıtyn san túrli sýretterin de kórýge múmkindik bar. Elektrondy kitap zaman talabyna saı ázirlengen. «Samuryq-Qazyna» AQ Ulttyq ál-aýqat qorynyń demeýshiligimen qolǵa alynǵan «Jyr-ǵumyr» jobasy oqyrman qaýymdy bir qýantyp tastary sózsiz. Onyń ústine elektrondy kitaptyń 100 danasy Muqaǵalı Maqataevtyń halyqaralyq qoryna tegin tartý etilmek.
Qazaq mádenıeti men ádebıetiniń joǵyn túgendep, baryn pash etý maqsatynda qurylǵan «Abyroı» qory keleshekte de osy baǵyttaǵy jumystaryn jalǵastyra túsedi. Tusaýkeser rásimine aqyn urpaqtary, halyqaralyq «Muqaǵalı Maqataev» qorynyń ókilderi jáne qoǵam qaıratkerleri qatysady. Shara sońynda Muqaǵalı Maqataevtyń elektrondy kitaby syılyqqa berilip, kofe-breık uıymdastyrylady.
Qosymsha aqparatty «ABYROI» qazaq mádenıeti men tilin damytý korporatıvtik qorynyń www.abyroi.kz veb-saıtynan qaraýǵa bolady.
