Muqaǵalı Maqataevtyń buryn esh járde jarııalanbaǵan óleńi men qoljazbalary tabyldy - Murat Áýezov
ALMATY. 22 qyrkúıek. QazAqparat /Erlik Erjanuly/ - Muqaǵalıtaný ǵylymy áli óz shyńyna jetken joq. Búgin Almatyda ótken «Poezııa, menimen egiz be ediń?» dep atalatyn ádebı-poetıkalyq keshte osyndaı oılar aıtyldy.
«Muqaǵalı aǵamyzdyń óz qolymen jazǵan Muhtar Áýezovke arnaǵan óleńi bar eken. Sondaı-aq Danteniń «Táńir tálkegi» degen shyǵarmasynyń aýdarmasyna baılanysty oılary týraly jazbasyn taýyp aldym. Men olardyń qoljazbasynyń kóshirmesin búgin QR Tuńǵysh Prezıdentiniń qoryna tapsyrýǵa ákeldim», - deıdi Muhtar Áýezov qorynyń prezıdenti Murat Áýezov. M.Muhtarulynyń aıtýynsha, bul bolashaq zertteýshiler úshin qajet. Óıtkeni Muqaǵalı Maqataev óz qolymen jazǵan bul qoljazbasynda - «uly dastannyń orys tilindegi aýdarmasy jolma-jol jasalǵandaı sııaqtanady da turady. Poezııalyq shyǵarmany aýdarýda eń bastysy oıǵa kóńil bólýdi oılaǵan jón ǵoı deımin» degendi aıtady.
