«Muqaǵalı» fılminiń túsirilimi bastaldy
NUR-SULTAN. QazAqparat - «Qazaqfılmde» «Muqaǵalı» kórkem fılminiń túsirilimi bastaldy, dep habarlaıdy QazAqparat tilshisi kınostýdııanyń baspasóz qyzmetine silteme jasap.
Kartına aqıyq aqyn Muqaǵalı Maqataev jaıynda syr shertedi. Fılmniń rejısseri - tanymal qazaqstandyq rejısser Bolat Qalymbetov. Kartınany QR Mádenıet jáne sport mınıstrliginiń tapsyrysymen Sh.Aımanov atyndaǵy «Qazaqfılm» AQ túsirýde.
«Bul fılm aqyn jaıly ǵana emes, adam jaıly, adamnyń taǵdyry jaıynda», - deıdi fılmniń rejısseri Qalymbetov.
Túsirilim jumystary Óskemen qalasynda bastaldy. Odan keıin túsirilim toby Sankt-Peterbýrg, Almaty jáne Almaty oblystaryna jol tartpaq.
Rejısserdiń aıtýynsha, kartına Maqataevtyń ómiriniń sońǵy jyldary týraly baıandaıdy.
