«Muqaǵalı» fılmi Qazan kınofestıvaliniń arnaıy syılyǵyna ıe boldy
«Belgili qazaqstandyq rejısser Bolat Qalymbetovtyń «Muqaǵalı» fılmi XVIII Qazan halyqaralyq musylman kınofestıvaliniń negizgi baıqaý baǵdarlamasynda qazylar alqasynyń arnaıy syılyǵyna ıe boldy.
Negizgi baıqaý baǵdarlamasyna Qazaqstan, Túrkııa, Úndistan, Iran, Bangladesh, Reseı, Egıpet, Shrı-Lankadan 10 kartına, sondaı-aq koprodýktsııada túsirilgen eki taspa usynyldy. Bıyl álemniń 44 elinen barlyǵy 625 ótinim tirkeldi», - delingen kınostýdııa málimetinde.
QR Mádenıet jáne sport mınıstrliginiń tapsyrysy boıynsha Sháken Aımanov atyndaǵy «Qazaqfılm» kınostýdııasy túsirgen kınotaspa aty ańyzǵa aınalǵan qazaq aqyny Muqaǵalı Maqataevtyń ómiriniń sońǵy jyldary týraly baıandaıdy.
Eske salsaq, «Muqaǵalı» fılminiń álemdik premerasy «Qarańǵy túnder» (PÖFF) 25-shi Tallın kınofestıvaliniń aıasynda ótti. Onda qazaqstandyq fılm ekýmenıkalyq qazylar alqasynyń syılyǵyn aldy.
Bıylǵy naýryz aıynda bıografııalyq kartına Keraladaǵy (Úndistan) 26-shy Halyqaralyq kınofestıvaldiń «Álemdik kıno» sektsııasynda usynyldy.
Al tamyz aıynyń basynda Qyrǵyzstanda ótken «Qazaqstan kınosynyń kúnderi» atalǵan fılmmen ashyldy. 15-20 qyrkúıek aralyǵynda fılm Gatchındegi 28-shi Halyqaralyq «Ádebıet jáne kıno» kınofestıvaline (Reseı) qatysady dep kútilýde.
