Muqaǵalı - 90 jyl: Aqyn mereıtoıynda jańa fılm kórermenge jol tartady
Bul jóninde «Qazaqfılm» kınostýdııasy arnaıy málimet taratty.
«Ultymyzdyń aqıyq aqynynyń aldaǵy besinshi mereıtoıyn osy joly erekshe ótkizýge «Qazaqfılm» kınostýdııasy da aıanbaı atsalysyp otyr. Kınoteatrlar ashylǵan kezde birinshi bolyp kórermenge jol tartatyn rejısser Bolat Qalymbetovtyń «Muqaǵalı» kórkem fılmi túsirilip bitti. Qazir týyndynyń montaj jumystary júrip jatyr» dep habarlady kınostýdııa Facebook paraqshasynda.
Eske sala keteıik, fılmniń túsirilim jumystary ótken jyldyń maýsym aıynda bastalǵan. Negizgi epızodtar Almaty oblysy men Almaty, Óskemen qalalarynda jáne Sankt-Peterbýrgte túsirildi. Kartınaǵa aqyn ómiriniń sońǵy jyldary arqaý bolǵan.
Muqaǵalı Maqataev – qazaqtyń lırık aqyny. Az ǵumyrynda birneshe lırıkalyq jyr jınaǵy men dastandary jaryq kórgen. Aýdarma salasynda Shekspırdiń sonetterin, Danteniń «Qudiretti komedııasyn» qazaqshalady.
Aqynnyń «Sarjaılaý», «Sónbeıdi áje, shyraǵyń», «Kel, erkem, Alataýyńa» óleńderine sazger Nurǵısa Tilendıev án shyǵarǵan.
Ol 1931 jyly 9 aqpanda Almaty oblysy qazirgi Raıymbek aýdanynyń Qarasaz aýylynda dúnıege kelip, 1976 jyldyń 27 naýryzynda Almatyda dúnıeden ótken.
